Sensasiya: Dünyada buzlaşma dövrü başladı!
- Müəllif: sakamuka
- |
- Şərhlər: 0
- |
- Baxılıb: 100
- |
İngilis alimlərinin apardığı elmi araşdırma Yer kürəsində qlobal istiləşmənin başa çatdığını üzə çıxarıb.
Lent.az-ın “Hürriyet” qəzetinə istinadən verdiyi məlumata görə, araşdırmanı Böyük Britaniya Meteorologiya Komitəsi və iqlim araşdırmaları sahəsində məşhurlaşan East England Universiteti birgə aparıb.
Elmi araşdırma zamanı Avropanın müxtəlif nöqtələrində qurulmuş meteoroloji stansiyalarda qeydə alınan temperatur göstəriciləri təhlil olunub. Təhlillər göstərib ki, Yer kürəsində qlobal istiləşmə 1997-ci ildə dayanıb. Üstəlik, qarşıdakı 15 il ərzində Günəşdə baş verən dəyişiklik səbəbindən temperaturun daha da aşağı düşməsi, soyuması gözlənilir. “25-ci dönüş” adlandırılan bu dönəmdə temperatur 2022-ci ildə ən aşağı səviyyəyə düşəcək.
Qeyd edək ki, anoloji proses nəticəsində 1790-1830-cu illərdə Avropada orta temperatur 2 dərəcəyə qədər düşüb. Bu dəfə isə temperaturun daha da aşağı düşəcəyi, faktiki mini-buzlaşma dövrü yaşanacağı istisna edilmir.